Category: 飲食

平時去開那間食lunch的越南餐館，換了menu，除了保留原有菜式外，還加了幾款新食品，當我看到冬蔭公牛肉麵 (Tong Yam Satay beef noodle soup) 時，立即被吸引著，於是落了order。 加了香草和芽菜後，飲了第一口湯，結果係………咳咳咳。因為超勁辣的關係，一路食，一路咳，一路流鼻水，一路出汗。湯底有碎辣椒，我就無本事飲完成碗湯，但是我的墨西哥同事好勇猛，飲哂成碗湯，重話好滋味。 從此之後，每一次來到這間越南餐館食lunch，都點了這碗冬蔭公牛肉麵或冬蔭公蝦麵。而墨西哥同事次次都同老板講湯要熱d，又熱又辣，真係頂唔順，好彩食完無胃痛，只係嘴唇好似被火燒。

近排熱氣，本來唔想食煎炸的食物，但最後都去麥當奴食個 McBistro 套餐，實在太好食。一個套餐有炸薯條，中可樂，和 McBistro sandwitch。 大多數漢堡飽，魚柳飽都係圓形，但係 McBistro sandwitch 係長形的。 飽入面有半溶的瑞士芝士，一塊烤雞或炸雞肉，磨菇，沙律醬，生菜等。 食的方法係要將個飽放入附送的紙袋中，這樣就可以防止d磨菇和沙律醬跌哂落檯。 呢個 McBistro 套餐貴過魚柳飽套餐 40%，但係物有所值。