留意線性回歸通道支持031813

今次恆生指數期貨的升浪由2012年11月中升到2013年2月初高位24000點附近，一直受制於線性回歸通道+1標準差，經過2日跌市後已去到線性回歸通道中線，市況係中線掙扎幾日後繼續下跌，跌到-2標準差附近才停止。期指經過幾日反彈後，去到線性回歸通道-1標準差後又再跌過，三日內跌去1000點，到達了線性回歸通道-3標準差 (圖一)。

呢次調整浪，期指大戶真係厲害，差唔多完全利用線性回歸通道理論去做圖/做市，特別係盈富基金 (圖二)，由+2標準差去到-2標準差。

由今日開始，我會多加留意 2800 盈富基金日線圖表和相關技術分析，因為恆生指數期貨和盈富基金的相關資產都是恆生指數，所以我希望盈富基金日線圖表能夠提供多些啟示。同一道理，除了國企指數期貨外，我都會留意 2828 恆生H股etf 日線圖表 (圖三)。

最後，美股雖已創新高，但總會有調整的一日，到時恆生指數會唔會跟跌？如果好友再唔發力，跟據線性回歸通道理論，市況跌穿-2標準差/-3標準差後就有機會中期轉勢。